काठमाडौ मार्ग १५, व्यवस्थापिका–संसद् नियमावली मस्यौदा समितिको आजबसेको बैठकले संसद्को कार्य सञ्चालन नियमावली मस्यौदा समितिको सभापतिमा राधेश्याम अधिकारी चयन गरेको छ । सांसद अधिकारीलाई सभापतिमा चयन गरियोस् भन्ने नेकपा एमाले का सांसद कृष्णभक्त पोखरेल प्रस्तावक र नेपाली काँग्रेस संसदीय दलका प्रमुख सचेतक चीनकाजी श्रेष्ठ समर्थक रहनुभएको प्रस्तावलाई बैठकले अनुमोद गर्दै सभापतिमा अधिकारीको चयन गरिएको प्राप्त समाचारमा उल्लेख गरिएको छ ।
यसअघि समितिको सभापति पदका लागि अधिकारीको नामसँगै रामनारायण विडारी र लोकनाथ ढकालको उम्मेदवारीको प्रस्ताव आ–आफ्नो पक्षबाट प्रस्तुत गरिएको समाचार जनाईएको छ ।
त्यस्तै बैठकले २०७४ साल माघ ७ गतेसम्म कायम रहने हालको सांसदको सञ्चालन सम्बन्धमा १० दिनभित्र प्रारम्भिक मस्यौदा तयार गर्न समितिका सदस्य गरेको छ । यसरी गठन गरिएको उपसमितिका सदस्यमा नवीन्द्रराज जोशी, मीनबहादुर विश्वकर्मा, रेवतीरमण भण्डारी, कृष्णभक्त पोखरेल, प्रेमबहादुर सिंह, कुन्ती शाही, अतहर कमाल मुसलमान, अइन्द्रसुन्दर नेम्वाङ, योगेन्द्र चौधरी र लोकमणि ढकाल रहनुभएको छ ।