काठमाडौ आषाढ २३ , व्यवस्थापिका संसदको आजको विशेष बैठकमा सरकारको नीति तथा कार्यक्रम व्यवस्थापिका–संसद्मा प्रस्तुत गरी सम्बोधन गर्ने संवैधानिक व्यवस्था अनुरुप राष्ट्रपति डा.रामवरण यादवबाट आगामी आर्थिक वर्ष २०७२/७३ को नीति तथा कार्यक्रम प्रस्तुत भइरहेकोे छ । सरकारले नीति तथा कार्यक्रम प्रस्तुत गरेपछि आगामी आवको अनुमानित आयव्ययको विवरण संसद्मा प्रस्तुत गर्ने परम्परा रहँदै आएको छ ।
व्यवस्थापिका–संसद् भवन नयाँ बानेश्वरमा राष्ट्रपति डा यादवबाट आज अपराह्न ३ बजेबाट प्रस्तुत भइरहेको सरकारको नीति तथा कार्यक्रमको टेलिभिजन र रेडियोले प्रत्यक्ष प्रसारण गरिरहेका छन् । यसअघि, राष्ट्रपति डा यादव सम्मेलन केन्द्र पुग्दा सभामुख सुवास नेम्वाङले पुष्पगुच्छा प्रदान गरेर हार्दिक स्वागत अभिवादन गर्नुभएको थियो । सो अवसरमा प्रधानमन्त्री सुशील कोइराला उपस्थित हुनुहुन्थ्यो ।