काठमाडौ् मङसिर २४, ट्रान्सपरेन्सी इन्टरनेसनल नेपालको भ्रष्टाचारविरुद्धको अभियानमा एनसेलले सघाउने भएको छ । नेपालमा हुने गरेको भ्रष्टाचार न्यूनीकरण गर्न एनसेलले ट्रान्सपरेन्सी 
इन्टरनेसनल नेपाललाई प्राविधिक सहयोग गर्ने भएको हो । सोसम्बन्धी विषयमा सोमबार दूरसन्चार प्रदायक कम्पनी एनसेल र ट्रान्सपरेन्सी इन्टरनेसनलबीच सम्झौता भएको हो ।
सम्झौतापत्रमा ट्रान्सपरेन्सी इन्टरनेसनल नेपालका अध्यक्ष भरतबहादुर थापा र एनसेलका प्रमुख कार्यकारी अधिकृत इरम ट्यालेन्लरले हस्ताक्षर गरेका थिए । ट्रान्सपरेन्सी इन्टरनेसनले सरकारी तथा निजी क्षेत्रमा हुने गरेको भ्रष्टाचारविरुद्ध अभियान चलाउँदै आएको छ । निजी तथा सरकारी क्षेत्रमा भैलिएको भ्रष्टाचार न्यूनीकरणमा एनसेलको प्राविधिक सहयोगले महत्वपूर्ण भूमिका खेल्ने ट्रान्सपरेन्सी इन्टरनेसनल नेपालका अध्यक्ष थापाले सो अवसरमा बताए ।
