काठमाडौं असोज ३,
आज मुलुकमा २०७२ असोज ३ गते लोकतान्त्रिक संविधान जारी भएको खुशीयालीमा आठौं संविधान दिवस, २०८० देशैभर विभिन्न कार्यक्रम गरी मनाइँदैछ ।
संघीय लोकतान्त्रिक गणतन्त्र नेपालका प्रथम राष्ट्रपति डा. रामवरण यादवले २०७२ असोज ३ गते संविधानसभाबाट बनेको मुलुकको नयाँ संविधान जारी गर्नुभएको हो । त्यस्तै आज संविधान दिवसको अवसमा सैनिक मञ्च टुँडिखेलमा आयोजना हुने विशेष कार्यक्रममा राष्ट्रपति रामचन्द्र पौडेल सहभागी हुनेछन् ।
संविधान दिवसका अवसरमा जनताका प्रतिनिधिद्वारा निर्माण गरी संविधानसभाबाट जारी भएको नेपालको संविधानलाई विश्वकै उत्कृष्ट संविधानकारुपमा रहेको व्याख्या र विश्लेषण गरिएको छ । राष्ट्रपतिको उपस्थितमा हुने प्रस्तुत कार्यक्रममा कावा प्रधानमन्त्री पूर्ण वहादुर खड्काले विशेष समारोहलाई सम्बोधन गर्ने कार्यक्रम रहेको छ ।
त्यस्तै देशभरका सरकारी तथा निजी कार्यालय, विदेशस्थित कूटनीतिक नियोग, राजनीतिक दल, नागरिक समाज, सङ्घसंस्थालगायतले विभिन्न कार्यक्रम गरी संविधान दिवस मनाउँदैछन् ।
संविधान दिवसको आजको दिनमा मुलकको राजनैतिक धरातलको विश्लेषण गर्ने हो भने मुलुकमा दलबिचका सत्ता स्वार्थको जालझेल निकै नराम्रोसंग मौलाएको पाइन्छ । यहि कारणले मुलुकमा यो वा त्यो नाममा अनेकन संसदीय विकृतिले प्रशय पाउँदै आएको अवस्था विद्यमान रहेको छ ।
तथापी संविधान जारी भएको आठ वर्ष पुगिसक्दा पनि विद्यमान यावत अनेकन विकृतिका कारण सार्वभौम सम्पन्न जनताको प्रतिनिधिमूलक संस्था संसदको दिगो विकास संगै ३५ भाग ३०८ धारा र ९ अनुसूची रहेका संविधानले व्यवस्था गरेको नागरिकको मौलिक अधिकारसंगै दर्जनौ हकाधिकार कार्यान्वयनको पक्ष सोच अनुरुप सबल बन्न सकेको छैनन