काठमाडौं असार २,
राष्ट्रपति रामचन्द्र पौडेल पुन:अस्पताल भर्ना भएका छन् । राष्ट्रपति पौडेललाई महाराजगन्जस्थित मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा भर्ना गरिएको हो । शनिबार बिहान २ बजे मुटुमा पुन: समस्या देखिन थालेपछि राष्ट्रपति पौडेललाई अस्पताल भर्ना गरिएको राष्ट्रपतिको सचिवालयले जनाएको छ ।
राष्ट्रपति पौडेल गत बुधबार मात्र सहिद गंगालाल राष्ट्रिय हृदय केन्द्रबाट आवश्यक उपचार पछि डिस्चार्ज भएका थिए । त्यसअघि गत वैशाख ६ गते राष्ट्रपति पौडेललाई उपचारका लागि भारतको नयाँ दिल्ली लगिएको थियो ।