काठमाडौं असार १,
नक्कली शरणार्थी प्रकरण मुद्धामा काठमाडौं जिल्ला अदालतले पूर्वमन्त्री बालकृष्ण खाण, टोपबहादुर रायमाझी र पूर्वसचिव टेकनारायण पाण्डेसहित १६ जनालाई कारागार चलान गर्ने आदेश दिएको छ ।
पक्राउ परेका १८ जना मध्ये टंक गुरुङ १० लाख रूपैयाँ र लक्ष्मी महर्जन ५ लाख रूपैयाँ धरौटीमा रिहा गर्ने र बाँकी १६ जनालाई पुर्पक्षका लागि कारागार पठाउने आदेश दिएको हो । काठमाडौं जिल्ला अदालतको आदेशपछि उनीहरुलाई सुन्धारस्थित केन्द्रीय कारागारमा लैजाने तयारी भएको प्रहरीले जनाएको छ ।