काठमाडौं जेठ ६,
प्रधानमन्त्री पुष्पकमल दाहाल प्रचण्डले कान्तिपुर मिडियाद्वारा राजधानीमा आज आयोजित हाफ म्याराथनको कार्यक्रमको शुभारम्भ गर्दै देशको एकता र परिवर्तनको रक्षाको संकल्पसहित आफू प्रधानमन्त्रीको जिम्मेवारीमा प्रष्टोक्ति दिनुभएको छ ।
आफ्नो नेतृत्वको सरकार केवल परिवर्तनमार्फत नै जनतालाई कसरी सेवा दिन सकिन्छ, सुशासन दिन सकिन्छ र विकास दिन सकिन्छ भन्ने संकल्पमा अडिग रहेको बताउँदैसंक्रमणकालीन न्याय र गणतन्त्र विरोधी प्रवृत्तिलाई निरुत्साहित गर्न मै केन्द्रित हुने गरेको बताउनुभयो ।
साथै उहाँले हिजोका दिनमा भएका राष्ट्रिय एकता, सहमति र सहकार्यलाई जीवन्त तुल्याउन सकिन्छ भन्ने उद्देश्यले नै हामी दलहरु बीच छलफलमा रहेको जनाउ सहित उहाँले यसैको लागि शीर्ष नेताहरु बीच पटकपटक छलफल हुँदै आएको बताउनुभयो ।
प्रधानमन्त्रीले भारतसँग खुला सिमा, आर्थिक, राजनीतिक, सामाजिक, जनता जनताबीचको सम्बन्धको दृष्टिकोणले सम्बन्ध विशिष्ट रहेको उल्लेख गर्दै आगामि भ्रमण दुबै देशका लागि ऐतिहासिक बन्नेसमेत बताउनुभयो ।
साथै अहिले सरकार सुशासन, विकास र समृद्धिको नयाँ संकल्प सहित अगाडि बढेको छ । त्यसमा खेलकूलाई प्रोत्साहित गर्ने कुरा सरकारको उच्च प्राथमिकतामा रहेको समेत बताउनुभयो ।
