काठमाडौ असोज ९, आज वडा दशैँको पाँचौ घटस्थापनाका दिन पूजा कोठामा स्थापना गरिएको नवदुर्गा भवानीमध्येकी पाँचौं देवी स्कन्दमाताको पूजा आराधना गरी मनाइदै छ । आश्विन शुक्ल प्रतिपदादेखि नवमीसम्म महाकाली, महालक्ष्मी, महासरस्वतीसहित नवदुर्गाको पूजा–आराधना गर्ने क्रममा आज देवी स्कन्दमाताको पूजा आराधना गरिएको हो ।
आजको दिन देवी स्कन्दमाताको पूजा अर्चना सहित देवी दुर्गाको पूजा अर्चनागरे आध्यात्मिक शक्ति प्राप्त हुने, मनोकामना पूरा हुने धार्मिक विश्वास सहित उपत्यकाका शक्तिपीठ गुह्येश्वरी, नक्साल भगवती, शोभा भगवती, भद्रकाली, दक्षिणकालीलगायत स्थानमा भक्तजनको ठूलो भीड लाग्ने गरेको पाइन्छ ।