काठमाडौ ज्येष्ठ २८, नेपाल पत्रकार महासङ्घले महासङ्घका कुनै पनि तह, केन्द्र, प्रदेश, जिल्ला कार्य समितिभित्र पदाधिकारी वा सदस्य रहिरहेको व्यक्ति कुनै पनि राजनीतिक पदको निर्वाचनमा उम्मेदवार हुने भएमा महासङ्घको विधान त व्यवस्था अनुरुप महासङ्घको कार्यसमितिबाट राजीनामा दिन आग्रह गरेको छ ।
महासंघका महासचिव उजिर मगरद्वारा आज जारी विज्ञप्तिमा महासंघको विधान त व्यवस्था उलङघन गरि उम्मेदवार भएमा कार्यसमितिको पद स्वतःरिक्त भएको मानिने महासङ्घले जनाएको छ । त्यस्तै विज्ञप्तिमा महासङ्घका साधारण सदस्यको हकमा राजनीति र पत्रकारिता एकसाथ गर्दा स्वार्थ बाझिने भएकाले नैतिक रूपमा महासङ्घको सदस्यता तथा पत्रकारिताबाट अलग रहेको स्वयम् घोषणा गर्नसमेत उल्लेख गरिएको छ ।