काठमाडौ माघ २०, नेपाली काँग्रेसका नेता चिरञ्जीवीनिधि तिवारीको ७३ वर्षको उमेरमा निधन भएको छ । प्याङ्क्रियाजको क्यान्सरबाट पीडित तिवारीको बुधबार साँझ नेपाल क्यान्सर अस्पताल हरिसिद्धीमा उपचारको क्रममा उहाँको निधन भएको हो । काठमाडौँ क्षेत्र नं ४ का महासमिति सदस्य रहनुभएका तिवारी नेपाल 
विद्यार्थी सङ्घको संस्थापक सदस्य समेत हुनुहुन्थ्यो ।
यसैवीच काँग्रेस सभापति शेरबहादुर देउवाले नेता तिवारीको निधन प्रति शोक व्यक्त गर्दै दिवंगत आत्माको चिरशान्तिको कामना गर्नु भएको छ । काँग्रेस मसख्यालयका मुख्य सचिव कृष्ण प्रसाद पौडेलद्दारा जारी विज्ञप्तिमा नेता तिवारीले पार्टीको संगठन र नेपालको आर्थिक क्षेत्रमा पुर्याउँनु भएको योगदान प्रति काँग्रेसले सम्मान प्रकट गरेको उल्लेख गरिएको छ । स्व तिवारीको आजै राति पशुपति आर्यघाटमा अन्तिम दाहसंस्कार गरिने बताइएको छ । तिवारीका एक श्रीमती दुई छोरा र दुई छोरी हुनुहुन्छ ।
