काठमाडौ मार्ग २५,व्यवस्थापिका–संसद्मा दर्ता भएको संविधान संशोधन प्रस्तावका कारण जारी अवरुद्धताको निकासका लागि हल गर्न सभामुख ओनसरी घर्तीले प्रधानमन्त्री पुष्पकमल दाहाल ‘प्रचण्डसँग आग्रह गर्नुभएको छ ।
उहाँहरुवीच आज प्रधानमन्त्रीको सरकारी निवास बालुवाटारमा भएको भेटवार्तामा सभामुख घर्तीले प्रम प्रचण्डलाइ संसदमा जारी अवरुद्धता खुलाउनका लागि वार्ता र संवादलाई जोड दिन आग्रह गर्नुभएको प्राप्त समाचारमा उल्लेख गरिएको छ । त्यसअवसरमा सभामुख घर्तीले प्रम प्रचण्डलाइ प्रस्तावित सवालमा काँग्रेसका सभापति शेरवहादर देउवा र एमाले अध्यक्ष केपीओली संगपनि छलफल भएको जानकारी गराउनुभएको थियो । त्यस्तै प्राप्त समाचारमा सभामुखको आग्रह पछि प्रधानमन्त्री प्रचण्डले त्यसका लागि सकारात्मक पहल भइरहेको र केही दिनभित्रै समाधान निस्कने विश्वास व्यक्त गर्नुभएको उल्लेख गरिएको छ ।