काठमाडौ श्रावण १०, नेत्रविक्रम चन्द विप्लव नेतृत्वको माओवादीले आव्हान गरेको आजको बन्दको क्रममा मीनभवनमा ट्याक्सी जलाउने काममा संलग्न भएको भन्दै मजदुर संगठनका अध्यक्ष योगेन्द्र कुमाललाई प्रहरीले पक्राउ गरेको छ ।
यसअघिको बन्दमा पनि ट्याक्सी आगजनी गरेको आरोपमा पक्राउ परेका कुमाल केही दिनमै रिहा भएका थिए । बन्दको अवज्ञा गरेको भन्दै विप्लव समर्थित माओवादी कार्यकर्ताले काठमाडौंका २ वटा ट्याक्सीमा आगजनी गरेका छन् भने ललितपुरको मंगलबजारमा १ ट्याक्सी तोडफोड गरेको थाहा भएको छ । यसैवीच उपत्यकाबाट ७३ बन्दकर्ता पक्राउ परेको प्रहरीले जनाएको
बन्दका कारण सार्वजनिक सवारीसाधन कम चले पनि निजी सवारी साधन भने निर्वाध रूपमा सञ्चालन भएका छन् । लामो दुरीका सार्वजनिक यातायात चल्न नसक्दा यात्रु भने अलपत्र परेका छन । त्यस्तै बन्दले विद्यालय भने प्रभावित बनेको छ । फोटो :पद्मसागर कक्षपति