काठमाडौ आषाढ १२, व्यवस्थापिका–संसद्, सार्वजनिक लेखा समितिको आज बसेको बैठकले राष्ट्रिय नेपाल टेलिभिजनमा भएको भनिएको अनियमितताको छानबिन गर्न गठित समितिको प्रतिवेदन कार्यान्वयन नभएकोमा सोको छानबिन गर्न आज ५ सदस्यीय संसदीय उपसमिति गठन गरेको छ ।
एक महिना भित्र प्रतिवेदन बुझाउँने कार्यादश सहित गठित उपसमितिको संयोजकमा सांसद डोरप्रसाद उपाध्याय रहेको छ भने सदस्यहरुमा सांसदत्रय विकास लम्साल, पार्वती डिसी चौधरी र मोहनबहादुर बस्नेत रहनुभएको छ । त्यस्तै बाँकी एक सदस्यको नाम पछि तय गरिने बताईएको छ ।
त्यस्तै बैठकले नेपाल टेलिभिजनका कर्मचारीलाइ जिम्मेवारी बमोजिमको कार्यसम्पादन गर्न गराउँन आवश्यक व्यवस्था तत्काल मिलाउन सञ्चार मन्त्रालयलाई निर्देशन समेत दिने निर्णय गरेको छ । त्यस्तै नेपाल टेलिभिजनबाट प्रसारण हुने कार्यक्रमको विज्ञापनदाता ‘वल्र्ड मिडिया ब्यान्ड हाउस’कम्पनीले उपलब्ध गराउनुपर्ने रकमको चेक नक्कली फेला पारेसँगै अनियमितताको घटना सार्वजनिक भएको थियो ।