काठमाडौं ज्येष्ठ १२ , राजधानीको कामपा १५ वडास्थित एतिहासिक महत्वको बिजयेश्वरी माताको परम्परागत कलेबर फेर्ने १२ वर्षे मेला एक भव्य कार्यक्रमकावीच आगामी ज्येष्ठ १८ गतेबाट सुरु गरिने भएको छ । विद्याधरी देवी चतरयोगिनी बिजयेश्वरी माताको १२ वर्षे मेला ज्येष्ठ १८ गते तान्त्रिक पूजा गर्दै भएपनि आषाढ १ गतेबाट सुरु हुने मेलाको पूर्व तयारी स्वरुप आज मन्दिरका गुर्जु , नेपाल प्रहरी स्थानीय संघसंस्था र समाजका गन्य मान्य महानुभावको उपस्थितीमा तयारी बैठकको आयोजना गरिएको छ । मन्दिर परीसरमा आयोजित उक्त बैठकमा आषाढ १ गते मातालाई निर्मल तिर्थ मा महास्नान गराउने र भाद्र १ गते राष्ट्रप्रमुख बाट प्रथम दर्शन गराइने जानकारी परम्परागत १२ वर्षे पूजा आयोजना समितिका सचिव माणिकरत्न शाक्यले जानकारी दिनु भएको छ ।
त्यस्तै मन्दिरका मुलपूजारी यज्ञमापति बज्राचार्यले यसअघि ३ पटक माताको यस्तो पूजा सम्पन्न गरिसकेको जानकारी दिदै प्रस्ततु पूजालाइ पनि राष्ट्रिय पूजाको मान्यता दिइनु पर्ने बताउँनु भएको छ । साथै विद्याधरीको कलेवर फेर्ने पूजा निर्विध्नपूर्वक सम्पन्न गर्न सहयोगका लागि विभिन्न संघ, संस्था र निकायसँग आग्रह समेत गर्नु भएको छ ।
पूजाको लागि विगतमा अत्याआवश्यक आर्थिक स्रोत भक्तजन स्थानीय चन्दादाता र राज्यका सरोकारवाला निकाय गुठी संस्थान र पूर्व राजा ज्ञानेन्द्र शाखबाट प्राप्त भएको जानकारी दिदै यस १२ वर्षे पूजाको लागि पनि सोहि मुताविकको सहयोग प्राप्त हुँने अपेक्षा पूजा आयोजक समितिले लिएको जानकारी दिईएको छ । त्यस्तै आजको प्रारम्भिक बैठकमा उपस्थित स्थानीयहरुले बिजयेश्वरी माताको परम्परागत कलेबर फेर्ने १२ वर्षे पूजालाइ भव्य बनाउँन आवश्यक सुझाव दिनु भएको थियो । -अमिन पाण्डे