काठमाडौं चैत्र ३, आज फाल्गुण शुक्ल अष्टमी अर्थात वसन्त ऋतुको स्वागतसँगै यो साताव्यापी खेल्ने होलीको सुभारम्भको दिन । आजबाट राजधानीको वसन्तपुरमा रंगीचंगी कपडाका टुक्रा झुन्ड्याइएको बाँसको तीनतले चीर ठड्याइएसँगै मुलुकभर होलीको माहोल सुरु हुन्छ । चीर ठड्याउन नेपाल पञ्चांग निर्णायक समितिले आज विहान बिहान ७ बजेर ४७ मिनेटको साइत जुराएको छ ।
आपसमा मैत्री एवं सद्भावपूर्वक खेलिने यो होलीपर्वमा ख्याली, टप्पा र वसन्त राग गाउँदै, नाच्दै अबिर लगाएर शुभकामना आदानप्रदान गरिन्छ । पूर्णिमाको रातमा चीर ढालेर टुँडिखेलमा पुर्याई दाह गरेपछि होली पर्व समाप्त हुन्छ । यसको भोलिपल्टबाटै वसन्त ऋतु आरम्भ हुन्छ । होली पर्व मनाउने सम्बन्धमा धार्मिक ग्रन्थमा हिरण्यकश्यपुले भगवान् विष्णुका भक्त भएका कारण आफ्नै छोरा प्रहलादलाई मार्न आफ्नी बहिनी होलिकाको काखमा बसाली आगो लगाइदिएका थिए । तर, आगोले विष्णुका भक्त मार्न प्रयास गर्ने होलिका नै भष्म भइन् । आगोले प्रहलादलाई छोएन । यसरी होलिकाको मृत्युको विजयोत्सवका रूपमा अबिर लगाएर होली खेल्ने गरिन्छ । भने फाल्गुण शुक्ल पूर्णिमाको रातमा होलिकाको प्रतीक चीर जलाउने परम्परा रहेको लोक कथन छ ।
