काठमाडौ पौष २, कालोबजारी गरेको आरोपमा सरकारले आयल निगम थानकोट डिपोका प्रमुख रवीनकुमार शर्मा विरुद्ध पाँच वर्ष कैद माग गर्दै आज काठमाडौँ 
जिल्ला अदालतमा ठगी मुद्दा दर्ता गरेको छ ।
यसैगरी क्रिस्टल फ्युल सप्लायर्सका मेनेजर कल्याणराज खड्का र सञ्चालक विष्णुबहादुर खड्का, डिलर एसोसिएसनका सचिव हेमविक्रम बराल तथा पेट्रोल पम्पमा रिमोट जडान गर्न मद्दत गर्ने अयुब आलम , न्यु बङ्गलामुखी आयलको ठेक्का लिने सीताराम घिमिरे, धनबहादुर थापा र टङ्ककुमार श्रेष्ठ विरुद्ध पनि मुद्दा दायर गरिएको प्राप्त समाचारमा उल्लेख गरिएको छ ।
