काठमाडौ कात्तिक २६, आजबाट राष्ट्रिय विभूति शङ्खधर साख्वाले इसं ८८० मा गरिब जनताको ऋणमोचन गरी सुरु गर्नु भएको नेपाल संवत्का ११३६औ 
सस्करण विविध कार्यक्रम गरी मनाइँदैछ । त्यसो त आजको दिनलाइ नेवार समुदायले नयाँ वर्षका रुपमा मनाउने गरेका छन् । यो दिन काठमाडौँ, ललितपुर, भक्तपुर, बनेपा, धुलिखेल, बाह्रबिसे, दोलखा भीमेश्वरलगायत नेवार समुदायको बाहुल्यता रहेका स्थानमा विभिन्न कार्यक्रमको आयोजना गरि मनाइन्छ । नेपाल संवतको रुपमा प्रचलित आजको दिनको प्रणेता शङ्खधर साख्वालाइ २०५५ सालमा सरकारले राष्ट्रिय विभूति घोषणा गरेको हो ।
त्यस्तै आजैको दिन नेवार समुदायमा म्हः (आत्म) पूजासमेत गरिन्छ । कात्तिक शुक्ल प्रतिपदाका दिन आज नेवार समुदायका मानिसले आफ्नो आत्म (म्हः) पूजा पर्व मनाउने गर्दछन् । आत्म सन्तुष्ट बनाई खुसी राख्न सके देवी देवता पनि प्रसन्न भई आर्शिवाद दिने र जीवन लिएको पनि सार्थक हुने धार्मिक विश्वासका साथ यो पूजा गरिने विज्ञहरुले बताएका छन
