एमालेको तर्फबाट राष्ट्रपतिका लागि विद्यादेवी भण्डारीको उम्मेदवारी
काँग्रेसको तर्फबाट कुलबहादुर गुरुङ मैदानमा,सहमतिको प्रयास अझै जारी
काठमाडौ कात्तिक १०, व्यवस्थापिका–संसद्मा बहुमतिय प्रक्रिया अन्र्तगत राष्ट्रपति र उपराष्ट्रपतिको निर्वाचनको लागि आज बिहान १० बजेदेखि १ बजेसम्म उम्मेदवारीको प्रस्ताव दर्ता गराउन समय तोकिएको छ । लोकतान्त्रिक गणतन्त्र नेपालको संविधान जारी भएपछि मुलुकमा बहुमतिय प्रक्रिया अन्र्तगतबहुमतिय प्रक्रिया अन्र्तगत राष्ट्रपति र उपराष्ट्रपति चयनका लागि संसद सचिवालयले सार्वजनिक गरेको निर्वाचन कार्यतालिका अनुरुप निर्धारित समयमा दर्ता गराइएका प्रस्तावबमोजिमको राष्ट्रपति र उपराष्ट्रपति पदको उम्मेदवारको वर्णानुक्रमानुसारको नामावली प्रकाशन गर्ने रहेको छ ।
त्यस्तै प्रकाशित नामावलीमाथि आजै अपराह्न २ बजेसम्म दाबी विरोध गर्ने समय तोकिएको छ । भने यसवीचमा उम्मेदवारी दर्ता गराएको भए पनि फिर्ता लिन चाहने उम्मेदवारलाई सचिवालयले समय समेत उपलब्ध गराएको छ । प्रकाशित निर्वाचन कार्यक्रमानुसार कात्तिक ११ गते अपराह्न ३ बजे व्यवस्थापिका–संसद्मा राष्ट्रपति र उपराष्ट्रपति चयनका लागि गोप्य मतदान हुनेछ । यसअघि स्थायी समतिको बैठकबाट सोमवार सत्तारुढ दल नेकपा एमालेले राष्ट्रपतिका लागि पार्टी उपाध्यक्ष विद्यादेवी भण्डारीलाई उम्मेदवार बनाउने निर्णय गरिसकेको छ भने प्रमुख प्रतिपिक्ष दल नेपाली काँग्रेसले वरिष्ठ केन्द्रीय सदस्य एवम् पूर्वमहामन्त्री कुलबहादुर गुरुङलाइ उम्मेदवार बनाउँने तयारी गरको छ । यसवारे आधिकारिक निर्णय भने आइसकेको छैन । त्यस्तै एमाओवादीले भने सहमति भए साझा उम्मेदवार लाइ नभए एमालेका उम्म्दवार भण्डारीलाई लाइ सघाउँने निर्णय सोमवार नै गरिसकेको छ । यद्यपी सहमतिको लागि जारी प्रयासका लागि उपयुक्त उम्मेदवारका नाममा सहमतिका लागि अन्तिम प्रयास लाइ भने निरन्तर जारी गर्ने राख्दै दलहरु संवादमा जुटेका छन ।
उपराष्ट्रपति पदको निर्वाचन भने १४ गते शनिबार बिहान ११ बजे गर्ने गर्नेगरि सभामुख धर्तीद्दारा मिति र समय संशोधन:
यसैवीच व्यवस्थापिका–संसद् सचिवालयले यसअघि उपराष्ट्रपति पदको निर्वाचन भोलि बुधबारका लागि तोकेको भएपनि सभामुख ओनसरी घर्तीले विशेष कारणवश उपराष्ट्रपति पदको निर्वाचन भने १४ गते शनिबार बिहान ११ बजे गर्ने गरी मिति र समय संशोधन गर्न तोक्नुभएको व्यवस्थापिका–संसद् सचिवालयद्वारा जारी सूचनामा जनाइएको छ । सचिवालयले आज प्रकाशन गरेको निर्वाचन कार्यक्रमअनुसार उपराष्ट्रपति पदमा राजनीतिक सहमति कायम नभएमा १३ गते १० देखि १ बजेसम्म उम्मेदवारीको प्रस्ताव दर्ता गर्ने, १ः३० बजे उम्मेदवारको नामावली प्रकाशित गर्ने, २ बजे उम्मेदवारको नामावलीउपर दाबी विरोध गर्ने, २ः३० बजेसम्म उम्मेदवारी फिर्ता लिनका लागि समय निर्धारण गरिएको छ । त्यसैगरी उपराष्ट्रपति पदको उम्मेदवारको अन्तिम नामावली सोही दिन ३ बजे प्रकाशन गर्ने, १४ गते शनिबार बिहान ११ देखि २ बजेसम्म गोप्य मतदान हुने, २ः३० बजे मतगणना, ४ः४५ बजे निर्वाचनको परिणाम सभामुखसमक्ष पेस गर्ने र अपराह्न ५ बजे निर्वाचन परिणाम व्यवस्थापिका–संसद्मा घोषणा गर्ने निर्वाचन तालिकामा उल्लेख छ । त्यस्तै एमाओवादीले उपराष्ट्रपतिमा पूर्वलडाकु प्रमुख नन्दकिशोर पुनलाइ उम्मेदवार बनाउने निर्णय गरेको छ ।