ललितपुर भाद्र १४, अपहरण तथा शरीर बन्धक बनाई फिरौती लिने महालक्ष्मी नगरपालिका–१६ बस्ने रवि बेलडियालाई महानगरीय प्रहरी परिसरले पक्राउ 
गरेको छ । प्रहरीका अनुसार महेश पटेलको भारतीय लाइसेन्स नवीकरण गरिदिने बहानामा काठमाडौ बोलाइ गत चैत १३ देखि १५ गतेसम्म आफ्नै कोठामा बन्धक बनाएर फिरौतीस्वरुप महेश पटेल र निजको काका वालु पटेलबाट नगद रु तीन लाख २० हजार असुलको बुझिएको छ ।
अभियुक्त बेलडियालाई ललितपुर जिल्ला अदालतबाट अपहरण तथा शरीर बन्धक मुद्दामा म्याद थप अनुमति लिई अनुसन्धान भइरहेको प्रहरीले जनाएको छ ।
