काठमाडौ आषाढ ९, संविधान मस्यौदा लेखनमा देखिएको विवाद सुल्झाउ प्रधानमन्त्री निवास बालुवाटारमा प्रमुख चार दलका शीर्ष नेताहरूसहितको उपस्थितीमा आज बसेको बैठकमा सङ्घीयताको सीमाङ्कन, स्थानीय निकायको स्वरूपलगायतका विषयमा सिर्जित विवादित विषयलाई कसरी टुङ्ग्याउने भन्ने सवालमा छलफल भएको छ ।
बैठकबारे पत्रकारलाई जानकारी दिँदै नेपाली काँग्रेसका उपसभापति रामचन्द्र पौडेलले मस्यौदा लेखनका विवादित विषयमा मस्यौदा समितिसँग छलफल भएको र विवादित विषयलाई मिलाएर लैजान सुझाव दिइएको जानकारी दिनु भएको छ । त्यस्तै आज १ बजे बस्ने संविधान मस्यौदा लेखन कार्यदलको बैठकमा शिर्ष नेतृत्वबाट प्राप्त सुझाव अनुरुप कार्यसम्पादनलाई अगाडि बढाईने र त्यस पछि पुन मस्यौदा समितिको पूर्ण बैठकमा पेस गर्ने तयारी कार्यदलले गरेको बुझिएको छ ।
बैठकमा नेपाली काँग्रेसका उपसभापति रामचन्द्र पौडेल, संविधान लेखन मस्यौदा समितिका संयोजक कृष्णप्रसाद सिटौला, एमाले उपाध्यक्ष भीम रावल, एमाओवादी उपाध्यक्ष नारायणकाजी श्रेष्ठ, प्रमुख सचेतक गिरिराजमणि पोखरेल र मधेसी जनअधिकार फोरम (लोकतान्त्रिक)का अध्यक्ष विजयकुमार गच्छदार र महासचिव जीतेन्द्र देव सहभागी हुनुहुन्थ्यो ।
