काठमाडौ ज्येष्ठ ३२, नेपाल पत्रकार महासङ्घले ललितपुर शाखाका सदस्य एवम् रेडियो मिर्मिरेको समाचार सम्पादक सिर्जना तिम्सिना र पत्रकार बालकृष्ण भट्टमाथि नेपाली प्राविधिक सहयोग 
समूहका अध्यक्ष सुन्दरमान श्रेष्ठले दुव्र्यवहार र गालीगलौज गरेकामा त्यसको निन्दा गरेको छ ।
समाचार सङ्कलनको सिलसिलामा समूहको कार्यालयमा पत्रकारद्वय तिम्सिना र भट्टमाथि अध्यक्ष श्रेष्ठले आज दुव्र्यवहार गरेको जनाउँदै महासङ्घले नागरिकलाई सुसूचित गराउने दायित्व निर्वाहमा रहेका पत्रकारमाथि भएको उक्त घटना प्रेस स्वतन्त्रतामाथिको हस्तक्षेप भएको बताएको छ । । महासङ्घले दोषीलाई कारबाही गरी निर्वाध प्रेस स्वतन्त्रता उपाभोगको वातावरण निर्माण गर्न सरकारसँग माग गरेको छ ।
