काठमाडौ ज्येष्ठ ३२, नेपाल पत्रकार महासङ्घले हिमालय टेलिभिजन र एभिन्यूज टेलिभिजनविरुद्ध पहिलो चरणको आन्दोलनको कार्यक्रम घोषणा गरेको छ । पारिश्रमिकलगायतका माग राख्दै 
आन्दोलनरत सो टेलिभिजनका कर्मचारी तथा पत्रकारहरुको मागप्रति ऐक्वेबद्धता जनाउँदै महासङ्घले पहिलो चरणको आन्दोलनको कार्यक्रम घोषणा गरेको हो ।
पहिलो चरणको आन्दोलन अन्र्तगत १ घन्टा धर्ना कार्यक्रम तय गरिएको आज जारी विज्ञप्तिमा उल्लेख गरिएको छ । त्यस्तै विज्ञप्तिमा अषाढ १ गते मंगलवार हिमालय टेलिभिजनमा बिहान १० बजे र सोसह दिन एभिन्यूज टेलिभिजनमा मध्यान्ह १२ बजेदेखि धर्नाको कायैक्रम तय गरिएको उल्लेख गरिएको छ । साथै महासङ्घ केन्द्रको विरोधलाई व्यवस्थापन पक्षले पुनः बेवास्ता गरे थप कडा संघर्षका कार्यक्रम घोषणा गर्ने जनाएको छ ।
