काठमाडौ, फाल्गुन १४ , संवैधानिक परिषद्को आज बसेको बैठकले लोकसेवा आयोगको अध्यक्षमा पूर्व सचिव उमेश मैनालीलाई नियुक्तिका लागि सिफारिस गरेको छ । 
परिषद्ले अन्तरीम संविधान २०६३ को धारा १२५ को उपधारा २ बमोजिम सो सिफारिस गरेको हो ।
त्यस्तै आयोगका सदस्यहरुमा बिन्द्रा हाडा भट्टराई काठमाडौँ, डा. गोविन्द कुसुम काठमाडौ, श्रीपुरुष ढकाल ललितपुर, अशोककुमार झा सप्तरी, ब्रम्हदेब राय सर्लाही र श्रीकृष्णचन्द्र झा धनुषालाई नियुक्तिका लागि सिफारिस गरेको थाहा भएको छ । नियुक्तिका लागि परिषद्ले सिफारिस गरिएका उक्त नामहरुलाई संसदीय सुनुवाई विशेष समितिले सुनुवाई गरेर पारित गरेपछि राष्ट्रपतिले नियुक्ति गर्ने कानुनी प्रावधान छ ।
