काठमाडौं फागुन ७, ६५औं प्रजातन्त्र दिवसको पूर्वसन्ध्यामा शुभकामना दिने क्रममा बुधवार दिनुभएको पूर्व राजा शाहले आफूले शासन सत्ता छोडदा अर्थात आज भन्दा ९ वर्षअघि प्रजातन्त्र र राष्ट्रियतालाई बलियो बनाउन राजनीतिक दलहरुसँग सहमति गरेको भन्दै उक्त सहमति कार्यान्वयन गर्न माग गरेका छन् । सहमति के थिए भन्ने स्पष्ट उल्लेख नगरे 
पनि पूर्व राजा शाहले प्रजातन्त्रको मुल्यमान्यतामा आधारित सहमति भएको जिकिर गरेका छन् । त्यस्तै तत्कालिन राजनीतिक दल र मेराबीच प्रजातन्त्रको मुल्य र मान्यतामा आधारित जे जति सहमति, समझदारी एवं ब्यवस्थापकीय गतिविधि भएको हो त्यसको स्मरण गराउन चाहेको उल्लेख गरेका छन ।
सन्देशम पूर्वराजाले तत्कालिन राजनीतिक दलहरुसंङग भएको सहमति र तिनको स्मरण र अनुशरण गर्दै त्यसलाई सही रुपले कार्यान्वयनमा ल्याई मुलुकलाई दिगो शान्ति, स्थायित्व र संवृद्धितर्फ अधि बढाउन सकेमा नै आजको पुनित दिनको सार्थकता रहन्छ, सन्देशमा भनिएको छ । साथै उनले निषेध, विभेद, अन्यौल र अलमलमा समय विताउनु भन्दा देशको भू–वनोट, धर्म र परम्परा अनुसार अघि बढ्नु पनि सुझाव दिदै पूर्व राजा ज्ञानेन्द्र शाहले पनि प्रजातन्त्र मजबुत पार्न राजनीतिक, सामाजिक, आर्थिक र सांस्कृतिक पक्षबाट गहन सोच राखिनुपर्ने सन्देश मार्फत बताउनु भएको छ। विखण्डन, विचलन, विद्वेष, विग्रह र विद्रोहबाट प्रजातन्त्रको राजपथ निष्कण्टक हुन नसक्ने भन्दै उनले विधि व्यवस्थामा मौलिक राष्ट्रिय परिवेश नभए प्रजातन्त्र तथा राष्ट्रियता दुवै जीर्ण र अपूरो रहने समेत उल्लेख गर्दै नयाँ संविधान जारी गरी मुलुकलाई स्थिरता र गतिशीलतातर्फ लैजान पनि प्रजातन्त्र दिवसले सहयोग पुगोस भन्ने शुभकामना दिएका छन् ।
