काठमाडौ पौष ५, एमाओवादी निकटको अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी)ले आज एक प्रेस विज्ञप्ति प्रकाशन गरी तत्काल सार्वजनिक यातायातको भाडा घटाउन माग गरेको छ । पेट्रोलियम पदार्थको मूल्य पटक–पटक समायोजन भएको भए पनि सार्वजनिक सवारीसाधनको भाडा नघटेकामा आपत्ति प्रकट गर्दै सार्वजनिक सवारीसाधनको भाडा नघट्दा उपभोग्य वस्तुको मूल्यसमेत नघटेकाले नागरिकले बढी मूल्य तिर्नुपरेको विज्ञप्तिमा उल्लेख छ ।
क्रान्तिकारीका सचिव रुद्र विष्टले जारी गर्नुभएको विज्ञप्तिमा अन्तर्राष्ट्रिय बजारमा पेट्रोलियम पदार्थको मूल्य घटेअनुसार नै सार्वजनिक सवारीसाधनको भाडा घटाउन र सहजरुपमा पेट्रोलियम पदार्थ पाउने व्यवस्था गर्नसमेत सरकारसँग माग गरिएको छ