काठमाडौ पौष १०, आज क्रिसमस इसाई धर्मावलम्बीको विशेष पर्व । जिजस क्राइष्टको जन्मोत्सवका उपलक्ष्यमा इसाईहरूले आज क्रिसमस मनाउँदै गरेका छन् । विशेषगरी 
दुःखी, गरिब, असहाय र उत्पीडित वर्गलाई सामाजिक रूपमा सशक्त बनाउन मानव समुदायलाई शिक्षा तथा सन्देश दिनुभएका येशुको जीवनको त्याग सम्पूर्ण मानिसका लागि प्रेरणा बन्न सक्ने इसाई धर्मावलम्बीहरु बताउँछन् ।
इसाई धर्मावलम्बीले मानव समुदायको कल्याणका लागि संसारमा येशुले जन्म लिन लागेको भविष्यवाणीमा विश्वास गर्दै तत्कालीन समयमा गरिने अन्याय, अत्याचार तथा विभेदबाट मानिसलाई मुक्ति दिलाउन येशु आफैं क्रसमा चढेको भनाइ छ । येशुलाई जिजस क्राइष्ट पनि भनिन्छ । उहाँकै सम्झनामा इस्वी संवत् प्रारम्भ भएको विश्वास गरिन्छ ।
