काठमाडौं असोज २८, लोकतन्त्रवादी पत्रकारहरुको साझा सङगठन एवम् अन्तर्राष्ट्रिय पत्रकार महासंङघको नेपालबाट सदस्ययता पाउने पहिलो र श्रम कार्यालयमा दर्ता भई 
श्रमजिवी पत्रकारको हकहितमा समर्पित नेपाल प्रेस युनियनको हालै पोखरामा सम्पन्न आठौँ राष्ट्रिय महाधिवेशनबाट निर्वाचित कार्यसमितिको पहिलो वैठक आउँदो कार्तिक १५ गते बस्ने भएको छ ।
महाधिवेशन भएको झण्डै दुई महिनापछि पश्चिमाञ्चलको नवलपरासीमा आगामी कार्तिक १५ गते बैठक बस्ने तय भएको युनियनका महासचिव अजयबाबु सिवाकोटीद्वारा जारी विज्ञप्तीमा जनाईएको छ । युनियनको प्रस्तुत पहिलो बैठकले आफ्नो तीन वर्षे कार्यकालको रुपरेखा र भावी योजनाका बारेमा विभिन्न निर्णय गर्ने तयारी रहेको बुझिएको छ ।
