काठमाडौं असोज २९, भारतमा आएको हुदहुद आँधीको प्रभावले अचानक हिमपात हुँदा हिमपातसँगै आएको हिम पहिरोमा पुरिएर मनाङमा चार विदेशी पर्यटक र एक नेपालीको मृत्यु भएको छ । मृत्यु हुनेमा एक इजरायली, दुई पोलिस र एक नेपाली नागरिक रहेको नेपाली सेनाको सैनिक जनसम्पर्क निर्देशनालयले जनाएको छ ।
थोराङ पास गर्न गएका १६८ पर्यटक हिमपातमा परेकोमा चौध जानाको नेपाली सेनाले उद्वार गरेको छ भने १५० जानाको खोजी जारी छ। सेनाले उद्वार गरेकोमा पाँच जर्मन, पाँच पोलिस र चार इजरायली छन । मनाङमा उपल्लो क्षेत्रमा २ देखि ४ फिट बाक्लो हिमपात भएको छ। काठमाडौंका एक्मी इञ्जिनियरीङ कलेजका दश जना विद्यार्थी हराइरहेकोमा उनीहरुको पनि उद्वार भएको छ । सीमा प्रहरी कार्यालय हुम्दीले पूर्वमन्त्री सुरेश मल्लको छोरी सहितको टोलीलाई उद्वार गरेको थाह भएको छ।
त्यस्तै मुस्ताङमा पनि हिमपातका कारण ९ जना नेपाली सहित १६ जनाको ज्यान गएको समाचारस्रोतले जनाएको छ ।त्यस क्षेत्रमा नेपाली सेनाको उच्च शिखर शिक्षालयको टोलीले उद्धारको कार्य गर्दै गरेकोग हिमपात जारी रहेकाले उद्धार कायृमा कठिनाई भइरहेको बताएको छ ।