काठमाडौं बैशाख २८, नेपाल पत्रकार महासङ्घको नवनिर्वाचित कार्यसमितिलाई आज पदभारएक कार्यक्रमका वीच हस्तान्तरण गरिने भएको छ । पदभारग्रहण कार्यक्रम अहिले केहिबेर पछि हुने नवनिर्वाचित महासचिव उजिर मगरले जानकारी दिनुभयो । महासङ्घको यही वैशाख २१ देखि २३ गतेसम्म 
काठमाडौंमा सम्पन्न २४ औं राष्ट्रिय महाधिवेशनबाट निर्वाचित नेतृत्वलाई संविधानसभाका अध्यक्ष सुवास नेम्वाङको उपस्थितिमा पद हस्तान्तरण गर्न लागिएको निवर्तमान अध्यक्ष शिव गाउँलेले जानकारी दिनुभयो ।
उहाँले महाधिवेशनको बन्द सत्रले एक वर्षमा संघिय लोकतान्त्रिक संविधान जारी गराउन दबाव दिने लगायतका समसामयिक प्रस्ताव पारित गरेकाले तिनको कार्यान्वयनमा सहयोग पु-याउन अध्यक्ष नेम्वाङलाई आमन्त्रण गरिएको बताउनुभयो । महाधिवेशनले महेन्द्र विष्टको नेतृत्वमा नयाँ कार्यसमिति निर्वाचित गरेको थियो । महासंघमा यस पटक बामपन्थिहरुको वर्चस्व रहेको छ ।
