काठमाडौँ पौष २८, अख्तियार दुरूपयोग अनुसन्धान आयोगले प्रमुख आयुक्त लोकमानसिंह कार्कीबाट पत्रकारमाथि कुनै किसिमको दुव्र्यवहार नभएको स्पष्ट गर्दै बरु केही पत्रकारबाट उहाँविरुद्ध अभद्र व्यवहार भएको जनाएको छ ।
विराटनगरस्थित जिल्ला प्रशासन कार्यालय परिसरमा आज सौहाद्र्रपूर्ण वातावरणमा भइरहेको पत्रकार भेटघाट कार्यक्रममा केही व्यक्तिद्वारा प्रमुख आयुक्तविरुद्ध अभद्र व्यवहार भएको जनाउँदै आयोगले सुपारी निकासी र तस्करीसम्बन्धमा आयोगले हालसम्म कुनै निर्णय नगरेको बारम्बार जवाफ दिँदा पनि प्रमुख आयुक्तलाई लाञ्छना लगाउने प्रयास भएपछि असहज परिस्थिति उत्पन्न भएको प्रेस विज्ञप्ति जारी गरी प्रस्ट पारेको छ ।
यसैबीच अख्तियार दुरूपयोग अनुसन्धान आयोगका प्रमुख आयुक्त लोकमानसिंह कार्की र पत्रकारबीच सुपारी तस्करीका विषयमा विवाद हुंँदा आज अपराह्न गिरफ्तार गरिएका करिब ३५ पत्रकार रिहा भएका छन् ।
