मिर्मिर जः ह्वला
सूद्र्यो लुयावल
चखुंचा चिर्चिर,
चिर्चिर हालाहल
बाय् त्वता तिंख्यलय् वपिं
सकल थौं लिहावल ।
मिखा गिलिगिलि याना
आयपा भुलिं दुहावगु
जः स्वयाच्वन ।
कुतुवगु धलिं क्वय् द्यना
सर्गः स्वया चिल्लाय्दना
इति इति न्हिलाच्वन
भकारी तज्याना बँय् वानाच्वंगु
वा मुंकालि लुसी मालाच्वन
बइगलय् च्वंगु भुतुं
छेलिई लुइकल
सं बागु धम्प ज्वना
ल सुनावंगु पुखुलीई
ल हे काय् मखसां
भगवानं ब्यूगु वरदान
वं त्रिपालय् फया
प्याचागु तंकाच्वन ।।
– शरण ज्यापु हरी
