काठमाडौ आषाढ ५, व्यवस्थापिका संसदको आजको बैठकमा नियमावली मस्यौदा समितिका सभापति राधेश्याम अधिकारीले दफावार छलफलका लागि प्रस्तुत गर्नुभएको संसद् नियमावली, २०७३ को मस्यौदामाथि आजबाट छलफल सुरु भएको छ । सो नियमावली बनाउन विसं २०७२ असोज २५ गते समिति बनाउने निर्णय भएको थियो । संविधान जारी भएपछि व्यवस्थापिका–संसद्मा रुपान्तरण भएको सदनको नियमावलीका केही बुँदाका विषयमा सत्ताघटक दल र प्रमुख विपक्षी दलका बीचमा विवाद देखिएका कारण आजको मिति सम्मपनि उक्त 
मस्यौदाले पूर्णता पाउन सकेको थिएन ।
त्यस्तै नेपाल मजदुर किसान पार्टीका प्रेम सुवालले प्रस्तुत प्रतिवेदन उपरको छलफलमा भाग लिदै सदनलाई वैचारिक प्राज्ञिकस्थल बनाउनु माग गर्नु भएको छ । त्यस्तै काँग्रेसका सासंद आनन्दप्रसाद ढुङ्गानाले नयाँ संविधान जारी भएपछि पनि पुरानै कानुन अनुरुप राष्ट्रपति, उपराष्ट्रपति र प्रधानमन्त्रीको निर्वाचन हुने तर संसदीय सुनवाइ समितिको गठन किन नहुने भन्ने प्रश्न गर्दै नियमावली ल्याउन सरकार बाधक भएको बताउँनु भएको प्राप्त समाचारमा उल्लेख गरिएको छ ।
त्यस्तै प्राप्त समाचारमा आजको बैठकमा संसदीय सुनवाइ समितिमा प्रमुख विपक्षी दल काँग्रेसका सासदहरुले पुरानै संरचना अनुसार ७५ सदस्यीय हुनुपर्ने र सत्तारुढ दल एमाले र नेकपा (माओवादी केन्द्र) का सासदहरुले नयाँ संविधान अनुसार १५ सदस्यीय हुनुपर्ने अडान सहितको तर्कविर्तक गर्दै गरेको उल्लेख गरिएको छ ।
