भक्तपुर चैत २७, जर्मन विकास सहाय��ाअन्तर्गत जर्मन विकास बैंक, नेपाल सरकार र भक्तपुर नगरपालिकाको संयुक्त लगानीमा गत बैशाख १२ र २९ गतेको महाभूकम्पले क्षति पुगेको भक्तपुर नगरभित्रका १० वटा सम्पदाको पुनःनिर्माण एवम् जीर्णोद्धारको काम सुरु गरिएको छ । यसरी निर्माण सुरु गरिएको सम्पदाहरुमा क्रमस दत्तात्रयस्थित पुजारी मठ, पाँचतले मन्दिर, राष्ट्रिय कला सङ्ग्रहालय, 
दरबारस्क्वायरको फसिदेग, भक्तपुर नगरपालिकाको पुरानो भवन, भैरब द्यो छे, भैलुखेलको च्यासिंमण्डप, नासमनाको हाडा छें, विद्यार्थी निकेतन उमावि र श्रीपद्य उमावि रहेको प्राप्त समाचारमा उल्लेख गरिएको छ ।
साथै समाचारमा सम्पदा निमौणको लागि जर्मन सरकारको रु एक अर्ब १९ करोड, नेपाल सरकारले रु २२ करोड र भक्तपुर नगरपालिकाको रु १० करोडको लगानी रहने जनाउँदै यसक्रममा जर्मन विकास बैंकका कार्यालय प्रमुख एवम् प्रतिनिधि शङ्करराज पाण्डेले भूकम्पले भत्काएको सम्पदाको पुनःनिर्माणको प्रारम्भिक अनुसन्धान एवम् अन्वेषण पनि गरिने उल्लेख गरिएको छ । सम्पदा पुनःनिर्माणको कार्य आगामी २०१६ सालको डिसेम्बरसम्म पुन निर्माण, जीर्णोद्धार र रेक्टोफिटिङको काम सम्पन्न गरिसक्ने सम्पदा पुनःनिर्माण सुभारम्भ कार्यक्रममा जानकारी दिईएको छ ।
