काठमाडौ पौष ७, केन्द्रीय अनुसन्धान ब्युरोले झुटो विवरण राखी एमआरपी बनाई मोटो रकम लिने गरेको भन्दै काभ्रे घर भई हाल 
सिनामङ्गल बस्ने ३९ वर्षीय रमेश भनिने रत्नप्रसाद पराजुलीलाई पक्राउ गरेको छ । प्राप्त समाचारमा उल्लेख भए अनुरुप पराजुलीले झुटो विवरण राखी मेसिन रिडियवल पासपोर्ट (एमआरपी) बनाउने गरिएको जनाईएको छ ।
त्यस्तै प्राप्त समाचारमा यसअघि काल्छाङ छिरिङको ०८७५६९०४ नंको राहदानी बनाएको अभियोगमा पक्राउ गरिएका उत्तम गुरुङको वयानको आधार प्रहरीले खोजी गर्दा यही पौष १ गते काठमाडौँको सिनामङ्गलबाट मुख्य अभियुक्त पराजुलीलाई पक्राउ गरिएको उल्लेख गरिएको छ ।
