काठमाडौ कात्तिक ६, उपराष्ट्रपति परमानन्द झाले प्रमुख दलका शीर्ष नेता जिम्मेवार नभएकाले संविधान निर्माणमा ढिलाई भएको बताउनुभएको छ । रिपोर्टस क्लब 
नेपालले आज आयोजना गरेको देउसी भैलो कार्यक्रममा उपराष्ट्रपति झाले शीर्ष नेताहरु जिम्मेवार नहुदा संविधानका विवादित विषयमा सहमति हुन नसकेको पनि आरोप लगाउनु भयो । उहाँले नेताले सहमतिको नाममा समय खेर फालेको बताउँदै सहमतिको कुरा गर्नेले सहमति कार्यान्वयन नगर्दा समस्या उत्पन्न भएको बताउनुभयो ।
उपराष्ट्रपति झाले जनताले आफूहरुको ठाँउमा नयाँ अनुहार हेर्न चाहेकोले आफूहरु चाँडो भन्दा चाँडो बहिर्गमन हुन हतारिएको भन्दै माघ ८ मा संविधान बन्ने वित्तिकै आफुहरु बहिर्गमित हुने बताउनुभयो ।
