काठमाडौं माघ ५ , नेकपा–माओवादीका अध्यक्ष मोहन वैद्यले त्रिभुवन विश्वविद्यालय शिक्षण अस्पतालमा विभिन्न माग राखी अनसन बस्नुभएका डा गोविन्द 
केसीले उठाउनुभएका मुद्दाहरुको तुरुन्त सम्बोधन गर्न र उहाँको जीवन रक्षा गर्न माग गर्दै “शिक्षा तथा स्वास्थ्य क्षेत्रमा व्यापारीकरण र माफियाकरण जसरी मौलाइरहेको छ, त्यसको विरोधमा डा केसीले सुरु गर्नुभएको कदमप्रति पार्टीको ऐक्यबद्धता प्रकट गर्नुभएको छ ।
अध्यक्ष वैद्यले आज एक विज्ञप्ति जारी गर्दै डिन नियुक्ति, शिक्षा तथा स्वास्थ्य क्षेत्रमा भइरहेको अनियमितता र विकृतिलगायतका विरोधमा डा केसीले सुरु गर्नुभएको अनसन सम्बन्धमा राज्यका तर्फबाट कुनै सम्बोधन नगरिएको र त्यसबाट सिङ्गो स्वास्थ्य क्षेत्र नै अस्तव्यस्त भएको स्थितिप्रति पार्टीको गम्भीर ध्यानाकर्षण भएको उल्लेख गर्नु भएको छ ।
