काठमाडौ माघ ६ ,राहदानी लिनका लागि आवेदन गर्न १५ घण्टाभन्दा बढी समय लामबद्ध हुनुपर्ने सेवाग्राहीको बाध्यतालाई मध्यनजर गर्दै आजबाट सरकारले नारायणहिटीस्थित 
राहदानी विभागमा ६ वटा आवेदन सङ्कलन केन्द्र थप गरेमने छ ।
यसरी राहदानी विभागले सेवाग्राहीको चापलाई दृष्टिगत गरि थप ६ वटा आवेदन सङ्कलन केन्द्र सञ्चालनमा ल्याएपछि सेवाग्राहीले विगतमा राहदानी लिनको लागि भोग्दै आएको झन्झट अन्त्य हुने अनुमान विभागले गरेको छ । साथै विभाग स्रोतका अनुसार निकट भविष्यमा घनाबस्ती भएका राजधानीका चक्रपथ क्षेत्रका कोटेश्वर, कलङ्की, सामाखुसी, सातदोबाटोलगायतका स्थानमा पनि त्यस्ता केन्द्र सञ्चालन गर्ने तयारी भइरहेको बुझिएको छ । अहिले दैनिक दुई हजारभन्दा बढी व्यक्तिले राहदानीका लागि आवेदन फाराम बुझाउन आउने गरेका छन ।
