काठमाडौं पुस ५,
राष्ट्रपति रामचन्द्र पौडेलको उपस्थितिमा सर्वोच्च अदालतका प्रधानन्यायाधीश विश्वम्भरप्रसाद श्रेष्ठले सर्वोच्च अदालतका नवनियुक्त न्यायाधीशलाई पद तथा गोपनीयताको शपथ दिलाएका छन ।
राष्ट्रपति भवन शीतल निवासमा आज आयोजित एक कार्यक्रमकावीच प्रधानन्यायाधीश श्रेष्ठले नवनियुक्ति न्यायाधीशहरू सारंगा सुवेदी, अब्दुल अजिज मुसलमान, महेश शर्मा पौडेल, टेकप्रसाद ढुंगाना, सुनिलकुमार पोखरेल र बालकृष्ण ढकाललाई पद तथा गोपनीयताको शपथ गराउनुभएको हो ।
न्याय परिषद्को गत मंसिर ५ को बैठकले सर्वोच्च अदालतमा रिक्त ६ न्यायाधीश नियुक्तिकालागि उनीहरूको नाम सिफारिस गरेसंगै संसदीय सुनुवाइ समितिको बैठकले बुधबार सर्वोच्च अदालतको न्यायाधीशमा ६ जनाको नाम अनुमोदन गरेपछि राष्ट्रपति पौडेलले बुधबार उनीहरूलाई न्यायाधीश पदमा नियुक्त गरेका थिए।
