काठमाडौं मंसिर ४,
प्रहरी वृत्त महाराजगञ्ज र प्रहरी प्रभाग गोंगबुको टोली काठमाडौं महानगरपालिका-२६ पवित्रनगरस्थित प्रविन गेष्ट हाउसको २०१ नम्बर
कोठामा जुवातास खेलिरहेको अवस्थामा पाँचथर फालेलुङ गाउँपालिका९८ घर भएका ४२ वर्षीय सुरेन्द्र जबेगु समेत ९ जनालाई आइतबार साँझ पक्राउ गरेको छ ।
प्रहरीले उनीहरूलाई नगद ६२ हजार ४ सय रूपैयाँ र १ बुक ताससहित पक्राउ गरेको हो । साथै सोही गेस्ट हाउसको पार्किङमा ओखर-जुवा खेलिरहेको अवस्थामा पाँचथर फाल्गुनन्द गाउँपालिका- ४ घर भएकी ४० वर्षीया एन्जिला लिम्बु समेत १० जनालाई नगद ४९ हजार ५ सय ५० रूपैयाँ र ८ गेडा ओखरसहित सोही प्रहरी टोलीले आइतबारनै पक्राउ गरेको जनाएको छ ।
त्यस्तै प्रहरी वृत्त कालिमाटीले काठमाडौं महानगरपालिका-१३ कालिमाटीस्थित तरकारी बजारको सडक पेटीमा जुवातास खेलिरहेको अवस्थामा गोर्खा घर भई हाल कालिमाटी डेरा गरी बस्ने ३५ वर्षीय आसमान परियार समेत ५ जनालाई आइतबार राति प्रहरीले पक्राउ गरेको छ ।
प्रहरीले पक्राउ परेका जुवाडेहरुको साथबाट नगद ३९ हजार रूपैयाँ र २ बुक तास समेत वरामद गरेको जनाउँदै यस सम्बन्धमा थप अनसुन्धान भइरहेको जनाएको छ।
