काठमाडौ असार ४,
काठमाडौं महानगरपालिकाले महानगरभित्र रहेका सिनेमाहलमा आजदेखि हिन्दी फिल्म प्रदर्शनमा रोक लगाइएको छ ।
भारतीय चलचित्र ‘आदिपुरुष’ बाट आपत्तिजनक संवाद नहटाइएपछि काठमाडौं महानगरपालिकाका प्रमुख बालेन्द्र शाहले काठमाडौंमा हिन्दी फिल्मको प्रदर्शन गर्न नदिने घोषणा गरेसंगै हिन्दी फिल्म प्रदर्शनमा रोक लगाइएको हो ।
फिल्म आदिपुरुषमा रहेको ‘जानकी भारतकी छोरी हुन्’ भन्ने विवादित संवाद नहटाएसम्म काठमाडौंमा प्रदर्शन गर्न रोक लगाउन महानगरले जारीगरेको निर्देशन पछि महानगरपालिकाभित्र सञ्चालित सबै हलले आज हिन्दी फिल्म आदिपुरुषको प्रदर्शन रोकेका छन ।