काठमाडौं जेठ २४,
गत वैशाख २५ गते बसेको संवैधानिक परिषदको बैठकबाट सर्वोच्चको प्रधानन्यायाधीशमा सिफारिस भएका कायममुकायम प्रधानन्यायाधीश हरिकृष्ण कार्कीविरुद्ध संसदीय सुनुवाइ समितिमा ११ वटा उजुरी परेका छन् ।
प्रस्तावित प्रधानन्यायाधीश कार्कीविरुद्ध इमेल, चिठी र आफैँ उपस्थित भएर ११ वटा उजुरी परेको संसदीय सुनुवाइ समिति सम्वद्ध स्रोतले जनाएके छ। यद्यपी कस्ता उजुरी परेका छन् भन्ने विषयम भने समितिले कुनै विवरण सार्वजनिक गरेको छैन । यसअघि समितिले १० दिनको समय दिएर उजुरी आह्वान गरेको थियो ।
