काठमाडौं जेठ १,
नेपालीलाई भुटानी शरणार्थी बनाएर अमेरिका पठाउने मानव तस्करी प्रकरणमा पक्राउ परेका पूर्वउपप्रधानमन्त्री टोपबहादुर रायमाझीलाई काठमाडौं जिल्ला अदालतले ३ दिन प्रहरी हिरासतमा राख्न अनुमति दिएको छ ।
वैशाख २० गतेदेखि फरार रहेका उनलाई अदालतबाट पक्राउ पुर्जी जारी भएको १२औं दिनमा काठमाडौंको बूढानीलकण्ठबाट प्रहरीले आइतवार राती पक्राउ गरेको हो ।
पक्राउ परेसंगै आवश्यक अनुसन्धानका लागि रायमाझीलाई प्रहरीले आज अदालतमा उपस्थित गराएको र निजउपर आवश्यक छानविनका लागि ३ दिन हिरासतमा राखेर अनुसन्धान गर्न जिल्ला अदालत काठमाडौंले अनुमति दिएको हो ।
