काठमाडौ भाद्र ३१,
चालू आर्थिक वर्ष ०७८/७९ को अध्यादेश बजेटको प्रतिस्थापन विधेयक संसद्बाबाट समयमा पारित नभएसंगै बुधबार रातिदेखि सङ्घीय सरकारी खर्च रोक्का भएको छ । गत साउन ३ गते तत्कालीन केपी ओली सरकारले प्रतिनिधि सभामा प्रस्तुत गरेको विधेयकको प्रतिस्थान विधेयक बुधबारसम्म पारित भइसक्नुपर्ने समयसिमा बुधबार गुज्रेपछि यस्तो अवस्था सिर्जना भएको हो । जुन मुलुकको बजेट इतिहासमै पहिलो घटना भएको अर्थ विदहरुले बताएका छन ।
यद्यपी सरकारी खर्च केही दिन रोकिने भए पनि राजस्व सङ्कलनमा भनेकुनै व्यवधान नभएको जानकारीदिदै अर्थमन्त्रालयका अधिकारीहरुले भने -अघिल्लो सरकारले अध्यादेशमार्फत ल्याएको बजेट वर्तमान सरकारले प्रतिस्थापन विधेयकमार्फत संशोधन गर्नेक्रममा ल्याएको प्रतिस्थापन विधेयक प्रतिपक्षी दलले संसदमा सिर्जना गरेको गतिरोधका कारण प्रभावित भएको बताए ।
यसैवीच अर्थमन्त्री जनार्दन शर्माले संसदमा जारी अवरोध हटाउन प्रयास भइरहेको र त्यसले छिट्टै प्रतिस्थापन विधेयक पारित हुने बताउनुभयो । साथै अवको चरणमा अर्थात असोज ४ गते बस्ने प्रतिनिधि सभा बैठकबाट विधेयक पारित गराउने तयारी रहेको जानकारी दिदै प्रतिस्थापन विधेयक दुवै सदनबाट पारित भएर राष्ट्रपतिले अनुमोदन गर्नु पर्ने प्रावधान संविधानत कायम रहेको छ।
