काठमाडौं भाद्र २९, शेरबहादुर देउवा नेतृत्वको सरकारको सय दिने उपलब्धि सार्वजनिक गरिएको छ । प्रधानमन्त्री शेरबहादुर देउवाले सरकारको नेतृत्व सम्हालेको १०० दिन पूरा भएको अवसरमा आज पत्रकार सम्मेलनको आयोजना गर्दै १०० दिनको अवधीमा सरकारले गरेका कामको प्रगति विवरण सार्वजनिक गरिएको छ । प्रधानमन्त्री कार्यालय सिंहदरबारमा आयोजित पत्रकार सम्मेलनमा सञ्चारमन्त्री मोहन बस्नेतले छोटो समयमा सरकारले महत्वपूर्ण उपलव्धि हाँसिल गर्न सफल भएको दावी गर्दै सरकारले संक्रमणकालिन अवस्थाको व्यवस्थापन गर्न सफल भएको, सवै तहका निर्वाचन तोकिएकै समयमा सम्पन्न गर्ने दिशामा सरकार अघि ��ढेको, भूकम्पपछिको पुननिर्माणले तिव्रता लिएको, मधेसवादी राजनीतिक दलहरुलाई स्थानीय निर्वाचनमा सहभागि हुने बतावरण मिलाएको लगायतका काम गर्न सफल भएको दावी गर्नु भएको छ ।
त्यस्तै पत्रकार सम्मेलनमा सञ्चारमन्त्री बस्नेतले वर्तमान सरकार गठन भएपछि स्थानीय तहको दोस्रो चरणको निर्वाचन सफलतापूर्वक सम्पन्न हुनाका साथै आगामी असोज २ गते हुने तेस्रो चरणको निर्वाचनको तयारी पूरा भएको बताउनुभयो । “सरकारले संघीय प्रतिनिधिसभा र प्रदेशसभाको निर्वाचन समयमै सम्पन्न गर्न मिति घोषणा गर्नुका साथै निर्वाचनको आवश्यक तयारी समेत सुरु गरिसकेको बताउँनु भएको छ ।
साथै सरकारले यसवीचमा अविरल वर्षापछि मुलुकभर आएको बाढी, पहिरो र डुबानबाट अस्तव्यवस्त जनजीवनलाई सामान्यीकरण गर्न तत्काल राहत, उद्धार र पुनःस्थापनामा केन्द्रित रहेको जनाउँदै सय दिनको अवधिमा भारत र चीनलगायत अन्तर्राष्ट्रिय मञ्चमा उच्चस्तरमा भएको भ्रमणले छिमेकी मुलुक एवं अन्तर्राष्ट्रियस्तरमा आपसी कूटनीतिक सम्बन्ध अझ बढी सुदृढ भएको बताउँनु भएको छ । त्यस्तै सय दिनकै अवधिमा बिमस्टेकको १५ औँ मन्त्रिस्तरीय बैठक काठमाडौँमा हुनु र बैठकले बिमस्टेकको शिखर सम्मेलन उपयुक्त समयमा काठमाडौँमा गर्ने निर्णय गर्नु नेपालका लागि गौरवको विषय भएको बताएको छ ।
सरकारका १०० दिने उपलब्धिको पूर्ण विवरणको लागि यहाँ क्लिक गर्नुहोला ।