काठमाडौ श्रावण २५, राष्ट्रिय प्रजातन्त्र पार्टीको आज बसेको केन्द्रीय कार्यसमितिको बैठकले वरिष्ठ नेता पशुपतिशम्शेर राणा तथा केन्द्रीय सदस्य ताहिर अलि, जगतप्रसाद गौचन , विजयकला राईलगायतका नेतालाइ , पार्टीबाट निष्कासनको कारवाही गरेको छ । पार्टी अध्यक्ष कमल थापाको अध्यक्षतामा बसेको बैठकले पार्टी विभाजनमा लागेको आरोप सहित वरिष्ठ नेता पशुपतिशम्शेर राणालगायतका नेताहरुलाइ कारवाही गरेको सो पार्टीले जनाएको छ ।
तयस्तै आजको बैठकले आगामी भाद्र मसान्तभित्र पाँचै विकास क्षेत्रमा सनातन धर्म सम्मेलन, सातै प्रदेशमा गाउँ, नगर, क्षेत्र र जिल्ला अध्यक्षको भेला भदौको पहिलो साता काठमाडौ उपत्यकास्तरीय कार्यकर्ता भेला गरी प्रशिक्षण कार्यक्रम विभिन्न तहमा सञ्चालन गर्ने निर्णय समेत गरेको छ ।