काठमाडौ आषाढ १६, काठमाडौ महानगरपालिकाले विहिवारबाट महानगरभित्रका ८८ वर्ष उमेर पुगेका ज्येष्ठ नागरिकलाई घरघरमा स्वास्थ्य सेवा दिने योजना कार्यान्वयमा ल्याएको छ । महानगरपालिकाभित्रका ज्येष्ठ नागरिकलाई जीवनप्रति सकारात्मक सोचको विकास एवम् उनीहरूमा भएका रोगको निदान गरी स्वस्थ्यजीवन बाँच्न प्रेरित गर्ने उद्देश्यले महानगरपालिकाले सो अभियान सुरु गरेको जनाएको छ ।
विहिवार कामपा प्रमुख विद्यासुन्दर शाक्यले उपप्रमुख हरिप्रभा खडेगी श्रेष्ठ सहितको उपस्थितीमा नन्दी रात्रि मावि, वडा नं १ नक्साल क्षेत्रबाट ज्येष्ठ नागरिक सामाजिक सुरक्षा भत्ता वितरण एवम् नागरिकको घरमै गएर स्वास्थ्य परीक्षण कार्यक्रमको सुभारम्भ गरि प्रस्तुत कार्यक्रमको विधिवत सुभारम्भ गर्नु भएको हो ।
महानगर अन्र्तगत रहेका ३२ वटै वडालाई आठ क्षेत्रमा विभाजन गरी कार्यान्वययन गरिने बताईएको यस कार्यक्रमको पहिलो दिन वडा नं १ मा छ जना वृद्धालाई रु १२ हजार महानगर भत्ता वितरण गर्नाका साथै स्वास्थ्य परीक्षण गरिएको कामपाले जनाएको छ ।