काठमाडौ श्रावण २०, व्यवस्थापिका संसदबाट बुधवार प्रधानमन्त्रीमा निर्वाचित हुनुभएका माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्रीको सपथ संगै सानो आकारको मन्त्रीमण्डल विस्तार गर्ने तयारी गर्नु भएको छ । समाचार स्रोतका अनुसार आज विस्तारित हुँने सानो आकारको मन्त्रिपरिषदमा सत्ता साझेदार दल माओवादी केन्द्र र नेपाली कांग्रेसको तर्फबाट पहिलो चरणमा ३/३ जना सहभागि गराउँने तयारी रहेको र यसको लागि मन्त्री बन्ने नेताहरुको नाम सिफारिस गर्न यि दुवैदलको बैठक बस्दै गरेको बताइएको छ ।
स्रोतका अनुसार कांग्रेसको तर्फबाट विमलेन्द्र निधिको नेतृत्वमा अर्जुननरसिंह केसी र गोपालमान श्रेष्ठ ,शेखर कोइराला र रमेश लेखक मध्ये ३ रहने लगभग निश्चित रहेको बताईएको छ भने माओवादी केन्द्रको तर्फबाट नेता कृष्णबहादुर महरा म जनार्दन शर्मा, राम कार्की, प्रभु साह, रेखा शर्मा, हितराज पाण्डेलगायतको नाम चर्चामा रहेको छ । यसअघिको सहमति अनुरुप कांग्रेसले १३ र माओवादीले ९ मन्त्रालय लिने गरी भागबन्डा मिलाएका छन् । ६ मन्त्रालय राप्रपा र अरु साना दलका लागि छुट्टाइएको बुझिएको छ ।