काठमाडौ श्रावण १९, व्यवस्थापिका संसदमा आज भएको निर्वाचनबाट प्रधानमन्त्रीमा मुलुकको ३९ औं प्रमको वरिताक्रममा निर्वाचित हुनु भएका नव निर्वाचित प्रधानमन्त्री पुष्पकमल दाहाल प्रचण्डले पद तथा गोपनीयताको शपथ बिहीबार लिनु हुँने भएको छ । राष्ट्रपति कार्यालय शीतल निवासमा विहिवार अपराह्न ३ बजे आयोजित विशेष कार्यक्रममा राष्ट्रपति विद्यादेवी भण्डारीले पद तथा गोपनीयताको शपथ खुवाउने तयारी गरिएको राष्ट्रपतिको कार्यालयले जनाएको छ ।
यसैवीच नवनिर्वाचित प्रधानमन्त्री पुष्पकमल दाहाललाई छिमेकी मुलुक भारत र चीनले बधाई दिँदै सफल कार्यकालका लागि शुभकामना व्यक्त गरेका छन् । प्रधानमन्त्रीमा निर्वाचित भएलगत्तै भारतीय प्रधानमन्त्री नरेन्द्र मोदीले टेलिफोन गरेर बधाई एवम् सफल कार्यकालका लागि शुभकामना दिर्दै भारत भ्रमणको निम्तोसमेत दिनुभएको छ । यस्तै चिनियाँ राजदूत ऊ चुन्ताईले भने दाहाल निवास लाजिम्पाटमा पुगेर उहाँलाई चिनियाँ प्रधानमन्त्री ली खछ्याङ र चिनियाँ जनताका तर्फबाट बधाई दिनुभएको थियो ।