काठमाडौ भाद्र ७, नेपाली काँग्रेसको भ्रातृ सङ्गठन नेपाल महिला सङ्घको तेस्रो राष्ट्रिय महाधिवेशन यही भाद्र २९ देखि 
३१ गतेसम्म ‘महिला सशक्तीकरणका चार निकास, समान सहभागिता, शान्ति, समृद्धि र संवैधानिक विकास’ भन्ने मूल नाराका साथ राजधानीमा हुने भएको छ ।
महाधिवेशनका लागि आवश्यक तयारी भइरहेको जनाउँदै सङ्घले महाधिवेशन तोकिएकै समयमा सम्पन्न गराउन पार्टीले नेता एनपी साउदको संयोजकत्वमा केन्द्रीय सदस्य नवीन्द्रराज जोशी, चन्द्र भण्डारी, कमला पन्त र प्रदीप पौडेल सदस्य रहेको निर्देशन समितिसमेत यसअघि गठन गरिसकेको छ ।
प्रस्तुत महाधिवेशनबाट अध्यक्ष, महासचिव, र कोषाध्यक्ष तीन पदाधिकारीसहित खुलाबाट १५ केन्द्रीय सदस्य, प्रान्तबाट दुई÷दुई जना गरी १४ जना, दलितबाट तीन जना, आदिवासी÷जनजातिबाट तीन जना, मुस्लिम र पिछडा वर्ग एक जना मधेसीबाट तीन जना र मनोनित नौ केन्द्रीय सदस्यसहितको ५१ सदस्यीय केन्द्रीय कार्यसमिति चयन गर्नेछ ।
