काठमाडौं भाद्र १३ , प्रधानमन्त्री पुुष्पकमल दाहाल प्रचण्डले प्रधानमन्त्री निवास बालुवाटारमा आज अस्थायी शिक्षकका प्रतिनिधिसँग भेटवार्ता गर्दै आफू पनि विगतमा शिक्षक पेसामा रहेका कारण त्यस क्षेत्रको समस्याका बारेमा जानकार रहेको बताउँदै अस्थायी शिक्षकको समस्या समाधान गर्न शिक्षा मन्त्रालयलाई विशेष निर्देशन दिने प्रतिविद्धता व्यक्त गर्नु भएको छ ।
त्यस्तै प्रधानमन्त्री प्रचण्डले त्यस अवसरमा अस्थायी शिक्षकका प्रतिनिधिसँग जायज र उचित माग सम्बोधन गर्न आफले यथासंभव प्रयास गर्ने जनाउ दिदै यसको लागि शिक्षामन्त्री र शिक्षा सचिवलाई आवश्यक पहल गर्न निर्देशन दिने जनाउ दिनु भएको प्राप्त समाचारमा उल्लेख गरिएको छ । शिक्षा ऐन ८औं संशोधनले अस्थायी शिक्षकका समस्या सम्बोधन नगरेको भन्दै अस्थायी शिक्षकका प्रतिनिधिले प्रम प्रचण्डको ध्यानाकर्षण गराएका थिए ।